SARANDE- Peshkatarët e Sarandës nuk shesin më si më parë, për shkak të uljes së fuqisë blerëse, si dhe për shkak të rritjes së çmimit të karburantit. Në limanin e varkave të vogla të peshkimit në gjirin e Sarandës, teksa kanë nxjerrë në shitje peshq të llojeve të ndryshme ankohen se pavarësisht problemeve që ata përballen, çmimi i tyre nuk ka pësuar ndryshime. Megjithatë, sërish banorët hezitojnë për ta blerë atë.

Prodhimet nga deti Jon mbeten një ushqim përherë i kërkuar nga pushuesit dhe vizitorët si ushqim natyror i cilësisë së parë. Krahas prodhimeve të detit tregtohen edhe prodhimet e liqenit të Butrintit, ngjala e qefulli.