Situata e mjerueshme në ambientet spitalore duket se nuk do të zgjidhet për një kohë të shkurtër. Ministri i Shëndetësisë Ilir Beqaj i ftuar në tv Ora News tha se situata problematike e akumuluar në 22 vjet nuk mund të zgjidhet në 8 muaj, por premton se sistemi i urgjencës do të reformohet. Ministri i Shëndetësisë ka shprehur edhe shqetësimin e tij për dy rastet e fundit: Kur brenda dy ditësh një fëmijë 2 muajsh gjeti vdekjen, nga neglizhenca e mjekëve, sipas Urdhrit të Mjekut, si dhe në Korçë kur urgjenca shkoi me vonesë tek i sëmuri i cili gjeti vdekjen në ambientet e gjykatës. Përjashtimi i barnave nga TVHS-ja është një nga arritjet e qeverisë", - ka thënë Ministri i Shëndetësisë Ilir Beqja në studion e Ora News.