TIRANE - Pas më shumë se një muaji nga akuzat publike për anëtarin e Këshillit të Lartë të Drejtësisë dhe gjykatësin Gjin Gjoni, ende nga Këshilli i Lartë nuk ka asnjë reagim qoftë dhe për pezullimin e këtij të fundit, pasi vetë z.Gjoni ka kërkuar të pezullohet deri në hetimin e akuzave.

Gazetari i A1Report, Arsen Rusta ka pyetur nënkryetarin e Këshillit të Lartë të Drejtësisë, Elvis Cefa për shkaqet e mungesës së një mbledhje apo reagimi të KLD-së, ndërsa zoti Cefa deklaron se për aq kohë sa nuk ka një procedim ndaj zotit Gjoni, KLD nuk ka arsye të mblidhet dhe mbledhja duhet të kërkohet nga Presidenti i Republikës Bujar Nishani.