Nis faza e parë e punimeve për restaurimin e figurës së Zojës së Shkodrës si dhe të Zojës me Krishtin në Famullin e Shën Shtjefnit. Një investim i nisur nga Ministria e Kulturës. Edlira Caushi është restauruesja e këtij procesi dhe ajo tregon sesi do të veprohet që të ruhet origjinaliteti i këtyre figurave.

Dom Artur Jaku thotë se ishte muzeu ateist ai që i shpëtoi këto vepra nga sistemi komunist dhe degradimi.

Zoja e Shkodrës është një pikturë në telajo që mendohet se i përket shekullit të 19-të. Ndërsa së shpejti do të jetë plotësisht e restauruar dhe do vendoset në muzeun e katedrales së Shën Shtjefnit që do të hapet në kuadër të 25-vjetorit të rikthimit të besimit në vendin tonë.