http://www.vizionplus.tv
https://facebook.com/VizionPlusTV
https://twitter.com/VizionPlusTV
Lumi Osum i frekuentuar ndër dekada nga pushuesit ditorë, është kthyer në venddepozitim të mbeturinave të qytetit. Në rrjedhën e tij ka mbetje urbane dhe  spitalore, por më problem përbën ndotja e ujërave nga shkarkimet e industrive të vogla përpunuese. Në pjesën e sipërme të qytetit gjenden tek tuk pushues të ndërgjegjshëm për nivelin e ndotjes së ujërave të lumit. Ata tregojnë se të gjithë ndërtesat pranë rrjedhës së lumit e përdorin atë për depozitimin e gjithfarë mbetjeve, duke veçuar atë te një fabrikë lëkure. Zyrtarët e bashkisë në dijeni të plotë të situatës pranojnë se ndotja e lumit i ka kaluar kufijtë e lejueshëm. Për frenimin e saj, ata kërkojnë bashkëpunimin e qytetarëve, dhe paralajmërojnë gjoba dhe deri në mbylljen e bizneseve, që shkarkojnë mbetjet në lumë. Në mungesë të kontrollit të territorit nga institucionet vendore qytetarët dhe bizneset te pandërgjegjësuar për efektet e ndotjes, vazhdojnë prej më shumë se 20 vjetësh të përdorin lumin Osum si kosh mbeturinash, duke shkatërruar florën dhe faunën e tij.