http://www.vizionplus.tv
https://facebook.com/VizionPlusTV
https://twitter.com/VizionPlusTV
Nuk ka rendësi nëse festojnë apo protestojnë, 8 marsi është dita e tyre. Por ndoshta festa e gruas merr kuptimin e saj të plote kur t'i gëzon emrin nënë. Dhe për këtë 26 vjeçare kjo ditë ka ardhur e veçante në këtë dhome të maternitetit "Koço Gliozheni" ku 5 minuta sapo kaloi mesnata shtrëngoi ne krahë fëmijën e saj të parë. Një vajzë që vite më pas do festojë 2 herë në 8 mars. Është bukur aty ku nis jeta, por shpesh ajo nuk është kaq bujare. Në këtë 8 mars ka zemra nënash që festojnë në dhimbje dhe vetmi. 70-vjeçarja Monika Nako e ka festën e parë që kalon në azil, pas ndarjes nga jeta të bashkëshortit dhe djalit. Lulet e këtij 8 marsi zbukuruan portrete nënash që do dukeshin me të bukura nëse do të ndiheshin kështu edhe 364 ditët e tjera të vitit.