http://www.vizionplus.tv
https://facebook.com/VizionPlusTV
https://twitter.com/VizionPlusTV
Të kesh një diplomë sot nuk do të thotë se jeta është e sigurte, kjo ka qenë kryefjala që kryeministri Rama u është drejtuar të rinjve në Shqipëri. Në një konferencë ku merrnin pjesë ministrat e arsimit dhe punës nga i gjithë rajoni, Rama tha se duhet që specializimi dhe arsimimi duhet të jenë të lidhura edhe me anën praktike. Sipas tij nuk duhet vetëm një diplomë për të siguruar të ardhmen e të rinjve, por një diplomë e cilat siguron një vend pune. Duhet të gjejmë një strategji për këtë, gjatë gjithë këtyre viteve i jemi referuar shumë reformave, por nuk kemi arritur shumë. Kemi patur probleme edhe me qeverisjen, kemi patur dy ministra pothuajse për të njëjtën gjë. Strategjia e universiteteve ka qenë e gabuar. E rëndësishme është të mësojmë diçka të vlefshme. Në fakt është mësuar gjithë kohën vetëm për teori dhe nuk kemi patur instrumentet e duhura për të ushtruar praktikën. Duhet ndryshuar profili i shkollave, kemi parë regjistrime të reja me modelin tonë të ri. Një nga problemet kryesore në ekonominë shqiptare është punësimi i të rinjve, pjesa më e madhe e tyre edhe pse kanë mbaruar universitetin nuk kanë ende një punë. Sipas INSTAT shkalla e punësimit tek të rinjtë është 31%, ndërsa pjesa tjetër janë të papunë.