http://www.vizionplus.tv
https://facebook.com/VizionPlusTV
https://twitter.com/VizionPlusTV
Renditja e Shqipërisë me 40 vende më lart në raportin ?Doing Busines? është vlerësuar edhe nga zyra qendrore e Bankës Botërore në Uashington. Dy elementët kyç që vlerëson deklarata e Bankës janë lehtësimi i hapjes së një biznesin duke ulur procedurat, dhënies së lejeve të ndërtimit të cilat kanë filluar sërish dhe regjistrimi i një prone, të cilat tashmë kanë një regjistër elektronik. Vetë Ministri i Zhvillimit Ekonomik Arben Ahmetaj tha se ky është një sinjal i qartë jo vetëm për punën e mirë që është bërë deri tani por edhe për rritjen e investimeve të huaja. Ahematj tha se Shqipëria ka lënë pas edhe vende të tjera të rajonit, siç është p.sh Serbia. Ahmetaj tha se vitin e ardhshëm indikatorët ekonomikë të Shqipërisë do të vijnë duke u përmirësuar. Ndërkaq këtë rezultat e ka përshëndetur edhe kryeministri Rama në një postim në Facebook, duke e konsideruara këtë një lajm të mirë për të gjithë shqiptarët.