http://www.vizionplus.tv
https://facebook.com/VizionPlusTV
https://twitter.com/VizionPlusTV
Ka nisur festivali i Jazzit në Tiranë. Përkrah grupeve dhe artistëve shumë të njohur në botë në këtë festival do të performojë edhe një emër shumë i njohur i muzikës Jazz në Shqipëri. Ermal Rodi mjeshtër i saksofonit, ne edicionin e katërt, vjen në bashkëpunim me artistin grek Lakis Tzimkas. E veçanta e performancës së tyre janë elementë e folkut shqiptar dhe folkut grek që ndërthuren bashkë për të sjellë një performancë që djemtë e kanë quajtur Balkan Jazz. Ermali dhe Lakis do të përcjellin dhe një mesazh global përmes muzikës së tyre. Mesazhi që ne do të përcjellin ka një natyrë globale sepse ky eshte edhe misioni i artit. Përmes perfomancës që ne e kemi pagëzuar Green Jazz, ne duam të përcjellim një mesazh për gjithë njerëzimin: Ta duam mjedisin dhe vendin ku jetojmë duke mos e keqtrajtuar atë. Ndihem shumë mirë që po bashkëpunoj me Ermali Rodin në saks dhe Emiljano Dhimon në bateri, sepse kështu japim edh e një mesazh tjetër. Arti bashkon popuj, kultura dhe afron më shumë njerëzit mes tyre. Djemtë do të performojnë te enjten mbrëma në Tiranë dhe nje nate me pas në Kalanë e Lëkursit në Sarandë.