http://www.vizionplus.tv
https://facebook.com/VizionPlusTV
https://twitter.com/VizionPlusTV
Dy prej personave qe morën peng Klajdi Gjecin mbrëmjen e së premtes në Tiranë, janë arrestuar nga policia. Klejdi Yzeiraj 27 vjeç dhe Martin Seferi 31 vjeç, qe te dy banues ne kryeqytet, u kapën në orët e para të mëngjesit duke u gdhirë e shtuna, ndërkohë që pengu ishte lënë i lirë. Por i përfshirë në pengmarrje ishte edhe një person i tretë, i cili është shpallur në kërkim. Arrestimi sipas burimeve të policisë, ka ndodhur në kohë rekord, rreth dy orë pas ngjarjes. Dy prej pengmarrësve po tentonin të iknin si pasagjerë në një taksi, ndërsa i tret,i mundi të largohej me vrap kur ka parë policinë. Mbetet ende i paqartë mënyra se si u lirua pengu Klajdi Gjeci. Policia bëri të ditur se pengmarrja pranë farmacisë 10, ndodhi pas një konflikti për motive të dobëta mes Gjecit dhe tre të rinjve. Këta të fundit e kanë marrë me force Gjecin nga makina e tij tip ?Pezho? dhe pasi e kanë rrahur, e kanë futur në automjetin BMV X6, duke u larguar me shpejtësi në drejtim të zonës së Dajtit. Fatmirësisht, pengmarrja nuk zgjati shumë, pas ndërhyrjes së autopatrullave ?Shqiponja?. Pengu Klajdi Gjeci njihet si nje person me precedentë penale nga policia. Ai rezulton të jetë edhe mik i Emiljano Shullazit dhe figuron i pranishëm ne disa ngjarje kriminale në kryeqytet.