Rang Chehre Pe Haya Ka Jo Nikharta Ho Ga
Bhoolne Wala Mujhe Yaad to karta Ho Ga
Zulf ab bhi tere mathay pe machalti ho gi
tujh se balon ka woh jhurmat na sanwarta ho ga
tu ne socha hai kabhi jhank ky dil mein apny
koi dewana udhar se bhi guzarta ho ga
sochta hoon tere honton ke ufaq par bhi kabhi
kya mere naam ka suraj bhi ubharta ho ga
mein jo zinda hoon to yeh baat bhi sachi ho gi
hijar ke zehr se insaan na marta ho ga

Poet: Anwar Masood Shafqi
Voice: Imran Sherazi