Protestuesit e opozitës kanë kaluar mbrëmjen e 19 në çadrën e vendosur pranë Kryeministrisë. Prania e Bashës ka bërë që të ketë një frymë tjetër entuziazmi në çadër, megjithatë kjo s?ka mundur të ndalë lodhjen dhe gjumin që ka pushtuar protestuesit pas ikjes së tij. Si në të tjerat netë edhe mbrëmë muzika, lojërat argëtuese dhe bisedat në çadër nuk kanë munguar. Sikurse netët e tjera, organizatorët janë kujdesur që në çadër të mos mungonte ngrohja dhe ushqimi. Rotacioni mes demokrateve është gjetur si zgjidhje për të mbajtur në këmbë protestën, por gjatë natës numri i protestuesve në çadër vijon të mbetet i ulët.