"Bastard, halabak, plehra, fundërrinë...trafikant droge".

Me këto fjalë i drejtohet kryetari i degës së PD në Lushnje, Myslim Murrizi një punonjësi të policisë rrugore në Tiranë, i cili e ka ndaluar atë për shkak të mosvenies së rripit të sigurimit.

Në videon e publikuar nga vetë Murrizi në rrjetin social Facebook, duket qartë momenti i ndalimit dhe kontrollit të dokumenteve nga polici i rrugores.

Aty dhe dëgjohet dhe fjalori i ulët aspak i denjë për një funksionar politik, si "bastard, halabak, plehra, fundërrinë apo dhe trafikant droge", me të cilat Murrizi i drejtohet policit, ndërsa ky i fundit ruan qetësinë.