KAVAJE-Rreth orës 18:00 në KZAZ nr. 42 gjakrat janë nxehur duke sjellë një përplasje mes eksponentëve të PS dhe të LSI.

N/ kryetari i bashkisë së Kavajës, Parid Xhihani nga radhët e PS është goditur nga Gerti Ismaili nga LSI.

Ngjarja ka ndodhur brenda ambienteve të KZAZ nr. 42 në qytetin e Kavajës, ndërsa më pas u zhvendos jashtë dhe u përfshinë edhe komisionerë, numërues dhe vëzhgues të tjerë të KZAZ.

Shkak për sherrin nga të dhënat e para mësohet se është bërë fikja e një kompjuteri që hidheshin të dhënat e votimeve.

Si pasojë e incidentit që ka ndodhur është ndërprerë edhe procesi i numërimit të votave për mbi një orë, nga 18:00 deri në 19:10 për t?iu rikthyer më pas normalitetit.

Policia ka reaguar menjëherë për të qetësuar situatën dhe sqaruar incidentin.