Inspektori i Repartit ?Shqiponja? në Tiranë, Engrit Hënaj, do të qëndrojë në burg, pasi u arrestua mëngjesin e sotëm për dekonspirim të aksioneve të policisë.

Me kërkesë të Prokurorisë së Kavajës, gjykata ka caktuar masën e sigurisë ?arrest në burg? për shtetasin Engrit Hënaj, inspektor policie në Tiranë, i dyshuar për veprën penale të ?Shpërdorimit të detyrës?.
Në bazë të veprimeve proceduriale të kryera nga Prokuroria e Kavajës, në vijim të informacionit të dërguar nga Shërbimi për Çështje të Brendshme dhe Ankesa (SHÇBA), ka rezultuar se:

Prokuroria e Kavajës ka pasur person nën hetim shtetasin Fation Lila, i dyshuar për vjedhje në bashkëpunim, me pasoja të rënda. Ai dyshohej se, në bashkëpunim me persona të tjerë, kanë vjedhur tre automjete në një kompleks magazinash në Kavajë.