Subscribe në Ora News këtu http://bit.ly/1s5j7UT

Në emisionin "Ju flet Moska", Kastriot Myftaraj ka folur për socializmin dhe të majtën në Shqipëri. Sipas tij ne vendin tonë nuk ka socializëm, por ka të majtë që nuk flasin për socializëm.

Kastriot Myftaraj: Në zgjedhjet e fundit parlamentare të qershorit të vitit të kaluar u thellua votimi i shqiptarëve majtas. Pra një parti e vetme mori shumicën absolute të votave që duhet për qeverisje pra 71 vota. Lideri i PS Edi Rama doli hapur me deklaratën se kërkonte timonin e vetëm dhe e mori atë duke marrë mbi 760 mijë vota dhe 74 mandate PS e vetme. Në total partitë e emërtuara si të majta me emrin socialiste kanë marrë sëbashku 2/3 e Parlamentit.

Kjo gjë përsëritet për herë të dytë, pra një shumicë e thellë e majtë në Parlament. Ka ndodhur edhe njëherë në 1997. Por ajo që dua të pyes është: A është kjo një tregues që shqiptarët janë të majtë?

Ka shumë shpjegime për këtë, shpjegohet me të kaluarën komuniste të vendit 50-vjecare. Faktin që e majta në Shqipëri ka një themel të krijuar në dekada me PS si pasardhëse e të paktën kështu në kuptimin faktik të PPSH, ish-komuniste.

Ajo që dua të them është se në Shqipëri po fiton e majta në një kohë kur në Europë ka një tërheqje të së majtës. Mos harrojmë një gjë, në Shqipëri po fitojnë vota partitë që kanë në emrin e tyre fjalën socialist.

Në fjalorin politik të zotit Rama, ai flet gjithcka, por jo për socializimin. Logjika e thjeshtë të thotë se kryetari i PS duhet të flasë për socializmin. Shqiptarët kërkojnë PS në pushtet, po socializmi ku është?

Për socializmin fliste shumë Enver Hoxha. Ju që nuk e keni jetuar atë kohë duhet të dini një gjë: Që komunizmi ishte një ëndërr e largët. Edhe vetë Enver Hoxha thoshtë "që komunjizmi i përket të ardhmes së largët dhe ne nuk do ta jetojmë atë". Në rendin e ditës ishte ndërtimi i socializmit.

Për më shumë lexoni në: http://oranews.tv/article/ju-flet-moska-jane-shqiptaret-te-majte