किरीट सोमय्या हे त्यांच्या अभ्यासपूर्ण शैलीसाठी प्रसिद्ध आहेत. त्यांनी एखाद्या नेत्याला भ्रष्टाचारात घेरलं की त्याचे परिणामही पाहायला मिळतात. प्रत्येक पत्रकार परिषदेत कागदपत्रांसह जाणारे किरीट सोमय्या आरोप करतात तेव्हा त्याचे परिणामही हमखास पाहायला मिळतात. गेल्या १० ते ११ वर्षातली उदाहरणं पाहिली तर सोमय्यांच्या आरोपानंतर त्या नेत्याचं काय होतं हे तुम्हाला कळेल. कारण, काही अशी प्रकरणं आहेत ज्यात सोमय्यांनी आरोप केलेला नेता एकतर तुरुंगात गेला किंवा तो भाजपात गेला.