نروح لكارثة جديدة لا تقل أهمية عن احداث رفح الأخيرة اللي استشهد فيها 16 جندي مصري واللي لحد دلوقتي حقهم مجاش ... والنهاردة صحينا كلنا على خبر مفاداة استشهاد 22 مجند وإصابة العشرات بس المرة دي السبب هو انقلاب سيارة اللي هيا سيارات اللوري اللي بتنقل جنود الأمن المركزي ودا قرب الحدود المصرية الإسرائيلية بشمال سيناء ... وزارة الداخلية ووزارة الصحة أعلنوا ان الإنقلاب كان بسبب انحراف عجلة السيارة وسقوطها من أعلى المنحدارت الجبلية لكن في نفس الوقت بعض المواقع الاخبارية بتأكد على لسان عدد من شهود العيان بوجود شبههة جنائية حولين الحادث ودا لأنهم سمعوا اطلاق نار على السيارة قبل سقوطها ... عموما حتى الآن النيابة العامة بتباشر التحقيق وايا كان السبب اية فمن حقنا نسأل مين المسئول عن هذه الكارثة من حقنا نسأل بردوا هو ازاي عربية واحدة حتى لو بحجم السيارة اللوري يتحمل فيها أكتر من 50 مجند كأنهم شكاير رز مثلا ؟ عاوزين نعرف سيناء بيحصل فيها اية بالظبط وهو فعلا ممكن يكون اللي حصل دا جريمة جديدة ؟