Pranvera e hershme ul çmimet në treg. Në tregun e fruta-perimeve brenda një jave perimet kanë pësuar ulje të çmimit me rreth 30 -40 lekë. Tregtarët shpjegojnë se kjo ka ardhur si pasojë e hyrjes së prodhimit vendas më herët se vitet e tjera si pasojë e motit me temperatura më të larta. Por pavarësisht kësaj tregtarët shpjegojnë se blerësit këtë vit janë shumë më të paktë pavarësisht se ka produkte më të lira.

Sipas tregtarëve, në muajt në vijim pritet që çmimet të vijojnë të ulen edhe më shumë, pasi pritet të hyj në treg edhe prodhimi i fushës. Kjo do të ndalojë në të njëjtën kohë edhe importin e fruta-perimeve të cilat kanë një cilësi më të ulët.